Xiaomi ကုမ္ပဏီက Redmi Note 17 Pro စီးရီးကို အိန္ဒိယဈေးကွက်တွင် မကြာမီ တရားဝင် ထွက်ရှိတော့မယ်ဆိုတဲ့ သတင်းကို အတည်ပြု လိုက်ပါပြီ။ ဒီစီးရီးရဲ့ အထူးဆုံးအချက်ကတော့ 10,000 mAh ဆိုတဲ့ အလွန်ကြီးမားတဲ့ ဘက်ထရီအရွယ်အစားပဲ ဖြစ်ပါတယ်။
ယခုခေတ် mid-range ဖုန်းတွေမှာ ဘက်ထရီပုံမှန်အားဖြင့် 5,000 mAh နှင့် 6,000 mAh ကြားသာ ရှိလေ့ရှိပေမယ့်၊ Redmi Note 17 Pro စီးရီးက ၎င်းတို့ရဲ့ ပေါင်းနှစ်ဆကျော်အထိ ကြီးမားတဲ့ ဘက်ထရီကို ထည့်သွင်းလာခြင်း ဖြစ်ပါတယ်။ ဒီလို ဘက်ထရီကြီးကြီးထည့်ခြင်းက အသုံးပြုသူတွေအတွက် တစ်ရက်တာ အသုံးပြုမှု ပိုမိုကြာရှည်စေမှာ ဖြစ်ပြီး၊ ဘက်ထရီ ချက်ချင်း ကုန်တတ်တဲ့ ပြဿနာကို ဖြေရှင်းပေးနိုင်မှာ ဖြစ်ပါတယ်။ ဒါ့အပြင် စီးရီးအတွင်း Pro နဲ့ Pro+ မော်ဒယ်တွေ ပါဝင်နိုင်ပြီး၊ processor၊ camera စနစ်များ ကွာခြားနိုင်ကြောင်း သိရပါတယ်။
Redmi ဟာ မြန်မာနိုင်ငံမှာ mid-range ဖုန်းဈေးကွက်ထဲက အလွန်ရေပန်းစားတဲ့ brand တစ်ခု ဖြစ်တဲ့အတွက် ဒီစီးရီးရဲ့ ကြီးမားတဲ့ ဘက်ထရီစွမ်းရည်ဟာ ဒေသတွင်း ဝယ်ယူသူတွေအတွက် အဓိက ဆွဲဆောင်မှု တစ်ခု ဖြစ်လာနိုင်ပါတယ်။ တရားဝင် ဈေးနှုန်းနှင့် အသေးစိတ် spec များကို Xiaomi ကနေ ထပ်မံ ကြေညာသွားမည် ဖြစ်ပြီး၊ မြန်မာဈေးကွက်ထဲ ဘယ်အချိန်ဝင်ရောက်မလဲဆိုတာကိုလည်း ဆက်လက် စောင့်ကြည့်ရမှာ ဖြစ်ပါတယ်။
