DoorDash စားသောက်ကုန်ပို့ စက်ရုပ်တစ်ရုပ် SWAT ရဲတပ်ဖွဲ့ရဲ့ စစ်ဆင်ရေးနယ်မြေထဲ မှားဝင်သွား
<p>မကြာသေးခင်က အမေရိကန်နိုင်ငံ၊ အရီဇိုးနားပြည်နယ်၊ Chandler မြို့မှာ အစားအသောက်ပို့ဆောင်နေတဲ့ Dot လို့အမည်ရတဲ့ DoorDash ကုမ္ပဏီရဲ့</p>
မကြာသေးခင်က အမေရိကန်နိုင်ငံ၊ အရီဇိုးနားပြည်နယ်၊ Chandler မြို့မှာ အစားအသောက်ပို့ဆောင်နေတဲ့ Dot လို့အမည်ရတဲ့ DoorDash ကုမ္ပဏီရဲ့ စက်ရုပ်တစ်ရုပ်ဟာ လက်နက်နဲ့ပတ်သက်တဲ့ ဖြစ်စဉ်တစ်ခုကို ရဲတပ်ဖွဲ့ဝင်တွေ ကိုင်တွယ်ဖြေရှင်းနေတဲ့ SWAT စစ်ဆင်ရေးနယ်မြေထဲကို မတော်တဆ လှိမ့်ဝင်သွားခဲ့ပါတယ်။ ရဲတပ်ဖွဲ့ဝင်တွေက စက်ရုပ်ကို လမ်းကြောင်းပြောင်းပြီး ပြန်လှည့်ခိုင်းဖို့ ကြိုးစားခဲ့ပေမဲ့ အဲဒီစက်ရုပ်ကတော့ အရေးပေါ်အခြေအနေ ဖြစ်ပွားနေတဲ့ နေရာမှာပဲ ဆက်ရှိနေခဲ့ပါတယ်။
ဒီစက်ရုပ်ငယ်လေးဟာ DoorDash ဝန်ထမ်းတစ်ယောက် ကုမ္ပဏီပိုင်ကားနဲ့ ရောက်ရှိလာပြီး စက်ရုပ်ကို ကိုယ်တိုင်လာရောက် မရွှေ့ပြောင်းပေးခင်အထိ အဲဒီစစ်ဆင်ရေးနယ်မြေအနီးမှာပဲ ရှိနေခဲ့ပါတယ်။ ဒီဖြစ်စဉ်နဲ့ပတ်သက်ပြီး DoorDash ကုမ္ပဏီကတော့ အာဏာပိုင်တွေ အခင်းဖြစ်ပွားရာနေရာကို ကိုင်တွယ်ဖြေရှင်းနေစဉ်အတွင်း စက်ရုပ်အနေနဲ့ ဘေးကင်းလုံခြုံစွာ ရပ်တန့်ပြီး စောင့်ဆိုင်းနေခဲ့တာ ဖြစ်တဲ့အတွက် သတ်မှတ်ထားတဲ့ ပုံစံအတိုင်းပဲ စနစ်တကျ လုပ်ဆောင်ခဲ့တာလို့ ပြောပါတယ်။
ဒီထူးခြားဆန်းပြားတဲ့ ဖြစ်ရပ်ဟာ အင်တာနက်ပေါ်မှာ ချက်ချင်းဆိုသလို လူပြောများသွားခဲ့ပြီး အလိုအလျောက် မောင်းနှင်တဲ့ ပို့ဆောင်ရေးစက်ရုပ်တွေအနေနဲ့ ပြင်ပကမ္ဘာရဲ့ မမျှော်လင့်ထားတဲ့ အခြေအနေတွေကို ကိုင်တွယ်ဖြေရှင်းဖို့ ရုန်းကန်နေရဆဲဖြစ်တဲ့ အချက်ကို မီးမောင်းထိုးပြလိုက်တာလည်း ဖြစ်ပါတယ်။
Ref : Fossbytes
