ကမ္ဘာ့ ပထမဆုံး နေရောင်ခြည်စွမ်းအင်သုံး လူနာတင်ယာဉ်
<p>နေရောင်ခြည်စွမ်းအင်ကို အပြည့်အဝ အသုံးချပြီး ဆေးဝါးကိရိယာတွေကိုပါ ဓာတ်အားပေးနိုင်မယ့် ကမ္ဘာ့ပထမဆုံး ဆိုလာလူနာတင်ယာဉ် Stella Juva ကို</p>
နေရောင်ခြည်စွမ်းအင်ကို အပြည့်အဝ အသုံးချပြီး ဆေးဝါးကိရိယာတွေကိုပါ ဓာတ်အားပေးနိုင်မယ့် ကမ္ဘာ့ပထမဆုံး ဆိုလာလူနာတင်ယာဉ် Stella Juva ကို နယ်သာလန်နိုင်ငံ၊ အိန်းဒိုဗင် နည်းပညာတက္ကသိုလ်က ကျောင်းသားအဖွဲ့တစ်ဖွဲ့က မိတ်ဆက်ပြသလိုက်ပါတယ်။
ဒီလျှပ်စစ်လူနာတင်ယာဉ်ဟာ ခေါင်မိုးပေါ်မှာ တပ်ဆင်ထားတဲ့ ဆိုလာပြားတွေကနေ စွမ်းအင်ရယူမှာဖြစ်ပြီး လျှပ်စစ်မီး၊ စက်သုံးဆီနဲ့ ကျန်းမာရေးစောင့်ရှောက်မှု ကင်းမဲ့နေတဲ့ အလှမ်းဝေး အစွန်အဖျားဒေသတွေဆီ ကျန်းမာရေးဝန်ဆောင်မှုတွေ တိုက်ရိုက် ရောက်ရှိသွားနိုင်ဖို့ အထူးဒီဇိုင်းထုတ်ဖန်တီးထားတာ ဖြစ်ပါတယ်။
ဒီဆန်းသစ်တဲ့ လူနာတင်ယာဉ်ဟာ နေသာတဲ့နေ့မျိုးမှာ ကီလိုမီတာ ၇၁၅ (၄၄၄ မိုင်) အထိ ခရီးဝေးမောင်းနှင်နိုင်ရုံတင်မကဘဲ တစ်နာရီကို ၁၂၀ ကီလိုမီတာ (၇၅ မိုင်) နှုန်းအထိ အမြန်မောင်းနှင်နိုင်တယ်လို့ ဖန်တီးသူ ကျောင်းသားအဖွဲ့က ပြောပါတယ်။
အရေးပေါ်လူနာတွေအတွက် လိုအပ်တဲ့ ဆေးဝါးကိရိယာ အစုံအလင်ကိုပါ နေရောင်ခြည်စွမ်းအင်နဲ့တင် လည်ပတ်ပေးနိုင်တာမို့ အခြေခံအဆောက်အအုံ လိုအပ်ချက်ရှိနေတဲ့ ဒေသတွေအတွက် တကယ့်ကို အသက်ကယ်ဆယ်ရေး မျှော်လင့်ချက်အသစ်တစ်ခု ဖြစ်လာခဲ့ပါတယ်။
လက်တွေ့နယ်ပယ်မှာ စတင်အသုံးပြုနိုင်ဖို့အတွက် အဆိုပါစီမံကိန်းကို Amref Health Africa အဖွဲ့နဲ့ ပူးပေါင်းကာ ကင်ညာနိုင်ငံရဲ့ ကျေးရွာတွေမှာ စမ်းသပ်မောင်းနှင်သွားမှာ ဖြစ်ပါတယ်။
နည်းပညာနဲ့ လူသားချင်းစာနာမှုပေါင်းစပ်ထားတဲ့ ဒီဆိုလာလူနာတင်ယာဉ်ဟာ လျှပ်စစ်မီးနဲ့ လမ်းပန်းဆက်သွယ်ရေး ခက်ခဲတဲ့ ဒေသအများအပြားရဲ့ ကျန်းမာရေးစောင့်ရှောက်မှုကဏ္ဍကို အကြီးမားဆုံး အထောက်အကူပြုပေးနိုင်တော့မှာ ဖြစ်ပါတယ်။
