Apple က စက်တင်ဘာလ ၉ ရက်နေ့မှာ ပွဲကျင်းပမယ်လို့ အတည်ပြုလိုက်ပြီ၊ Foldable iPhone ပါလာနိုင်သလား?

<p>Apple ပရိသတ်တွေ ရင်ခုန်စရာအချိန်လေး ရောက်လာပါပြီ။ လာမယ့် စက်တင်ဘာလ ၉ ရက်နေ့မှာ Apple ရဲ့</p>

Apple ပရိသတ်တွေ ရင်ခုန်စရာအချိန်လေး ရောက်လာပါပြီ။ လာမယ့် စက်တင်ဘာလ ၉ ရက်နေ့မှာ Apple ရဲ့ ဆောင်းဦးရာသီပွဲစဉ်ကြီးကို “Surprise and shine” ဆိုတဲ့ စိတ်ဝင်စားစရာ ဆောင်ပုဒ်နဲ့အတူ Steve Jobs Theater မှာ ခမ်းခမ်းနားနား ကျင်းပသွားဖို့ အတည်ပြုလိုက်ပါတယ်။

ဒီပွဲကြီးမှာ အားလုံးက စောင့်မျှော်နေကြတဲ့ စွမ်းဆောင်ရည်မြင့် A20 Pro chip သုံး iPhone 18 Pro နဲ့ iPhone 18 Pro Max တွေအပြင် iPhone Ultra လို့ နာမည်ပေးထားတဲ့ ပထမဆုံး ခေါက်ချိုး iPhone အသစ်ကြီး ထွက်ပေါ်လာဖို့ရှိနေတာကတော့ အတော်လေးကို ရင်ခုန်စရာကောင်းနေပါတယ်။ ဒါ့အပြင် Apple Watch Series 12၊ Watch Ultra 4၊ မျိုးဆက်သစ် Apple TV 4K နဲ့ HomePod mini တို့လို စမတ်ပစ္စည်းတွေအပါအဝင် iOS 27 နဲ့ iPadOS 27 တို့ ထွက်ရှိမယ့် နေ့ရက်တွေကိုပါ တစ်ပါတည်း ကြေညာသွားဖို့ ရှိနေပါတယ်။

အထူးခြားဆုံးကတော့ Apple ရဲ့ ခေါက်ချိုး iPhone သစ်ကြီးဟာ ပြိုင်ဘက် Galaxy Z Fold 8 လိုမျိုး ခပ်ကျယ်ကျယ် မျက်နှာပြင်ဒီဇိုင်းနဲ့ ထွက်လာနိုင်ပြီး ဖြန့်လိုက်ရင် ၇.၆ လက်မအထိ ကျယ်ဝန်းမယ်လို့ ခန့်မှန်းထားကြပါတယ်။ ဒါပေမဲ့ လက်ရှိ ကမ္ဘာတစ်ဝန်း ကြုံတွေ့နေရတဲ့ memory အခက်အခဲတွေကြောင့် ဈေးနှုန်းပိုင်းမှာတော့ သိသိသာသာ မြင့်တက်လာနိုင်ပါတယ်။ စိတ်ဝင်စားစရာကောင်းတာက အဲဒီလို ပြောင်းလဲသွားမယ့် Apple ရဲ့ ဈေးနှုန်းတွေဟာ တခြား Android ဖုန်းတွေအတွက်ပါ ဈေးကွက်စံသတ်မှတ်ချက်အသစ် ဖြစ်လာနိုင်တာပဲ ဖြစ်ပါတယ်။

Ref : androidpure