KFC စားရင်း ၉ မိနစ်အတွင်း EV အားအပြည့်သွင်းနိုင်မယ့် BYD ရဲ့ ဝန်ဆောင်မှု
<p>BYD ကုမ္ပဏီဟာ တရုတ်နိုင်ငံမှာရှိတဲ့ KFC နဲ့ လက်တွဲပြီး EV ကားမောင်းသူတွေအတွက် အချိန်ကုန်သက်သာစေမယ့် Drive-thru</p>
BYD ကုမ္ပဏီဟာ တရုတ်နိုင်ငံမှာရှိတဲ့ KFC နဲ့ လက်တွဲပြီး EV ကားမောင်းသူတွေအတွက် အချိန်ကုန်သက်သာစေမယ့် Drive-thru ဝန်ဆောင်မှုအသစ်တစ်ခုကို မိတ်ဆက်လိုက်ပါတယ်။ ကားမောင်းသူတွေအနေနဲ့ KFC မှာ ကြက်ကျော်မှာယူနေတဲ့ ၉ မိနစ်အတွင်းမှာတင် ကားကိုပါ အားအပြည့်သွင်းနိုင်တော့မှာပါ။
ဒီဝန်ဆောင်မှုကို BYD ရဲ့ Fang Cheng Bao Tai 7 SUV ကားအမျိုးအစားမှာ စတင်အသုံးပြုနိုင်ပြီး ကားထဲကနေတင် အစားအစာတွေကို အလွယ်တကူ မှာယူနိုင်မှာ ဖြစ်ပါတယ်။
ဒီလောက်အထိ မြန်မြန်ဆန်ဆန် အားသွင်းနိုင်တာဟာ BYD ရဲ့ နောက်ဆုံးပေါ် Blade Battery 2.0 နဲ့ Flash Charging နည်းပညာကြောင့်ပဲ ဖြစ်ပါတယ်။ ကားဘက်ထရီအား ၁၀ ရာခိုင်နှုန်းကနေ ၇၀ ရာခိုင်နှုန်းအထိရောက်ဖို့ ၅ မိနစ်ပဲ ကြာမှာဖြစ်ပြီး ၉ မိနစ်ဆိုရင်တော့ ၉၇ ရာခိုင်နှုန်းအထိ အားပြည့်သွားမှာပါ။ အားသွင်းနှုန်းဟာ ၁,၅၀၀ kW အထိ ရှိတာကြောင့် ခဏလေးနားပြီး ကြက်ကျော်စားနေတဲ့ အချိန်အတွင်းမှာတင် ခရီးဆက်ဖို့ အားအသင့်ဖြစ်နေမှာပါ။
ဒီအစီအစဉ်ကို တရုတ်နိုင်ငံမှာ စတင်စမ်းသပ်နေပြီဖြစ်ပြီး BYD အနေနဲ့ တစ်ကမ္ဘာလုံးက အဓိကဈေးကွက်တွေမှာ အားအမြန်သွင်းစခန်းတွေ ထပ်တိုးတပ်ဆင်ပြီးတာနဲ့ ဒီဝန်ဆောင်မှုကို တိုးချဲ့သွားဖို့ ရှိပါတယ်။ အခုဆိုရင် EV ကားပိုင်ရှင်တွေအတွက် အားသွင်းရမှာကို စောင့်ရတဲ့ ဒုက္ခကနေ ကင်းဝေးသွားပြီး ကြက်ကြော်လည်းစားရင်း ကားကိုလည်း အားသွင်းရင်းနဲ့ ပိုပြီးအဆင်ပြေလာတော့မှာ ဖြစ်ပါတယ်။
Ref: Fossbytes
