Android Authority ရဲ့ သတင်းအရ ChatGPT မှာ Sticker အသစ်တွေကို AI နဲ့ တိုက်ရိုက်ဖန်တီးပြီး WhatsApp မှာ တစ်ခါတည်းသုံးလို့ရအောင် feature အသစ်တစ်ခုကို စမ်းသပ်နေတယ်လို့ သိရပါတယ်။ ဒီ feature ကတော့ ရိုးရာ sticker packs တွေကို ရှာနေစရာမလိုတော့ဘဲ ကိုယ်ပိုင် idea၊ ကိုယ်ပိုင် style နဲ့ sticker တွေကို ချက်ချင်းဖန်တီးနိုင်မယ့် အားသာချက်ရှိပါတယ်။
သတင်းများအရ ChatGPT app ထဲမှာ prompt ရိုက်ထည့်လိုက်ရုံနဲ့ AI က sticker design ကို ဖန်တီးပေးမှာဖြစ်ပြီး ဖန်တီးပြီးသား sticker တွေကို WhatsApp ထဲကို တိုက်ရိုက် export လုပ်ပြီး သုံးနိုင်မယ်လို့ ဆိုပါတယ်။ ဒီ feature က ယခုအချိန်မှာတော့ စမ်းသပ်ဆဲအဆင့်ပဲရှိသေးပြီး တစ်ခြား user တွေအားလုံးအတွက် ပွင့်လင်းစွာ ရရှိနိုင်ဖို့ ရက်သတ္တပတ်အနည်းငယ် သို့မဟုတ် လအနည်းငယ်ကြာနိုင်ပါတယ်။
Myanmar မှာ WhatsApp ကို နေ့စဉ်စကားပြောမှုအတွက် အသုံးများနေတဲ့အတွက် ဒီလို feature အသစ်က ဆက်သွယ်ရေးကို ပိုပျော်ရွှင်ဖွယ်နဲ့ ကိုယ်ပိုင်ဟန်ရှိစေမယ့် လက်တွေ့ကျတဲ့ AI application တစ်ခု ဖြစ်လာနိုင်ပါတယ်။ Custom sticker တွေကို လျင်မြန်စွာဖန်တီးနိုင်တာဟာ social messaging apps တွေမှာ AI integration ဘယ်လောက်တိုးတက်လာသလဲဆိုတာကို ပြသနေပါတယ်။
