AI ခေတ်ကို ရင်ပေါင်တန်းနိုင်ဖို့ တရုတ်တက္ကသိုလ်တွေ ခေတ်မမှီတော့တဲ့ ဘွဲ့သင်တန်းပေါင်း ၁၂,၀၀၀ ကျော်ကို ပယ်ဖျက်
<p>တရုတ်နိုင်ငံရဲ့ တက္ကသိုလ်တွေမှာ နိုင်ငံတော် ဖွံ့ဖြိုးတိုးတက်ရေး ရည်မှန်းချက်တွေနဲ့ ကိုက်ညီစေဖို့အတွက် အဆင့်မြင့်ပညာရေး ကဏ္ဍကို အကြီးအကျယ် ပြုပြင်ပြောင်းလဲနေပါတယ်။</p>
တရုတ်နိုင်ငံရဲ့ တက္ကသိုလ်တွေမှာ နိုင်ငံတော် ဖွံ့ဖြိုးတိုးတက်ရေး ရည်မှန်းချက်တွေနဲ့ ကိုက်ညီစေဖို့အတွက် အဆင့်မြင့်ပညာရေး ကဏ္ဍကို အကြီးအကျယ် ပြုပြင်ပြောင်းလဲနေပါတယ်။ အဲဒီလို ပြုပြင်ပြောင်းလဲရာမှာ နည်းပညာအခြေခံတဲ့ သင်တန်းအသစ်တွေကို တိုးချဲ့ဖွင့်လှစ်လာပြီး ခေတ်မမှီတော့တဲ့ ဘွဲ့သင်တန်းပေါင်း ထောင်နဲ့ချီကို ပယ်ဖျက်ခဲ့ပါတယ်။
တရုတ်ပညာရေးဝန်ကြီးဌာနရဲ့ အချက်အလက်တွေအရ ၂၀၂၁ ခုနှစ်ကနေ ၂၀၂၅ ခုနှစ်အတွင်းမှာ တက္ကသိုလ်တွေရဲ့ ဘွဲ့ကြိုသင်တန်းပေါင်း ၁၂,၂၀၀ ကို ပယ်ဖျက်တာ ဒါမှမဟုတ် ဆိုင်းငံ့ခဲ့ပြီး သင်တန်းအသစ်ပေါင်း ၁၀,၂၀၀ ကို မိတ်ဆက်ခဲ့ပါတယ်။ ဒါဟာ နိုင်ငံတစ်ဝန်းက တက္ကသိုလ်သင်တန်းတွေရဲ့ ၃၀ ရာခိုင်နှုန်းကျော်ကို ပြုပြင်ပြောင်းလဲလိုက်တာ ဖြစ်ပါတယ်။ ပယ်ဖျက်လိုက်တဲ့ သင်တန်းတွေထဲမှာ အနုပညာ၊ လူမှုရေးသိပ္ပံ၊ နိုင်ငံခြားဘာသာစကားနဲ့ စီမံခန့်ခွဲမှုဆိုင်ရာ ဘာသာရပ်တွေ အများဆုံး ပါဝင်နေပါတယ်။
ဒီလို ပြုပြင်ပြောင်းလဲရတာဟာ တရုတ်နိုင်ငံမှာ လူငယ်အလုပ်လက်မဲ့နှုန်း ၁၆ ရာခိုင်နှုန်းကျော်အထိ ရှိနေပြီး အလုပ်အကိုင်စျေးကွက်မှာ AI နည်းပညာရဲ့ ရိုက်ခတ်မှုတွေ ရှိနေတာကြောင့် ဖြစ်ပါတယ်။ ဒါကြောင့် အစိုးရရဲ့ စီးပွားရေး ဖွံ့ဖြိုးတိုးတက်မှု ပန်းတိုင်တွေနဲ့ ကိုက်ညီမယ့် နည်းပညာဘာသာရပ်တွေကို တက္ကသိုလ်တွေမှာ အစားထိုး တိုးချဲ့ဖွင့်လှစ်လာနေပါတယ်။
Ref : South China Morning Post
