တရုတ်မြို့ကြီးတွေမှာ ဖုန်းအားသွင်းနိုင်တဲ့ နေရောင်ခြည်စွမ်းအင်သုံး ထိုင်ခုံရှည်များ စတင်တပ်ဆင်
<p>တရုတ်နိုင်ငံရှိ မြို့ကြီးတွေမှာ ပန်းခြံတွေနဲ့ အများပြည်သူဆိုင်ရာ နေရာတွေမှာ အနားယူရင်း ဖုန်းအားသွင်းနိုင်မယ့် နေရောင်ခြည်စွမ်းအင်သုံး စမတ်ထိုင်ခုံရှည်တွေကို စတင်တပ်ဆင်နေကြပြီ</p>
တရုတ်နိုင်ငံရှိ မြို့ကြီးတွေမှာ ပန်းခြံတွေနဲ့ အများပြည်သူဆိုင်ရာ နေရာတွေမှာ အနားယူရင်း ဖုန်းအားသွင်းနိုင်မယ့် နေရောင်ခြည်စွမ်းအင်သုံး စမတ်ထိုင်ခုံရှည်တွေကို စတင်တပ်ဆင်နေကြပြီ ဖြစ်ပါတယ်။ လတ်တလော နမူနာအနေနဲ့ ဂွမ်ဇိုးမြို့၊ ဘိုင်ယွန်ခရိုင်ရှိ ဘိုင်ယွန် ရေကန်လမ်းမကြီးနဲ့ ဘိုင်ယွန် မြို့သစ်တို့မှာ နေရောင်ခြည်စွမ်းအင်သုံး စမတ်ဖုန်းအားသွင်း ထိုင်ခုံ ၁၆ ခုံကို တပ်ဆင်ခဲ့ပါတယ်။ ဒါဟာ စမတ်မြို့ပြနဲ့ စွမ်းအင် စီမံကိန်းတွေရဲ့ အစိတ်အပိုင်းတစ်ခုဖြစ်ပြီး နောက်ထပ် ထိုင်ခုံတွေကိုလည်း ဆက်လက်တပ်ဆင်သွားဖို့ တာဝန်ရှိသူတွေက စီစဉ်ထားပါတယ်။
အဲဒီ ထိုင်ခုံတွေဟာ စွမ်းဆောင်ရည်မြင့် ဆိုလာပြားတွေကို အသုံးပြုထားတာမို့ နေ့ဘက်မှာ လျှပ်စစ်ဓာတ်အား ထုတ်လုပ်ပြီး တပ်ဆင်ထားတဲ့ ဘက်ထရီတွေထဲမှာ သိုလှောင်ထားတာကြောင့် ၂၄ နာရီပတ်လုံး ဓာတ်အား ထောက်ပံ့ပေးနိုင်ပါတယ်။ ထိုင်ခုံတစ်ခုံစီမှာ ကြိုးမဲ့ဖုန်းအားသွင်း စနစ်တွေ၊ USB အားသွင်းပေါက်တွေ၊ အလိုအလျောက် ပွင့်တဲ့ LED မီးတွေနဲ့ မှောင်ရီပျိုးချိန်နောက်ပိုင်း ၆ နာရီအထိ အလုပ်လုပ်နိုင်တဲ့ ခရမ်းလွန်ရောင်ခြည်သုံး ခြင်ပြေးမီးတွေ ပါဝင်ပါတယ်။
အဲဒီ စီမံကိန်းဟာ ပုံမှန် မဟာဓာတ်အားလိုင်းက လျှပ်စစ်ဓာတ်အားကို အသုံးမပြုဘဲ သန့်ရှင်းတဲ့ နေရောင်ခြည်စွမ်းအင်ကို အသုံးပြုပြီး အများပြည်သူဆိုင်ရာ နေရာတွေကို ပိုမို အသုံးဝင်အောင် ဖန်တီးပေးဖို့ ရည်ရွယ်တာ ဖြစ်ပါတယ်။ ပြင်ပမှာ အနားယူရင်း ဖုန်းအားသွင်းနိုင်တာကြောင့် ပြည်သူတွေကလည်း အဲဒီ စမတ်ထိုင်ခုံတွေကို ဝမ်းမြောက်ဝမ်းသာ ကြိုဆိုနေကြပါတယ်။
Ref : Technology Innovation
