အီဂျစ်မှာ သီးနှံစိုက်ခင်းတွေအပေါ် ဆိုလာပြားတွေတပ်ဆင်ပြီး လျှပ်စစ်နဲ့ စားနပ်ရိက္ခာ ထုတ်လုပ်မယ့် စနစ်ကို စမ်းသပ်

<p>အီဂျစ်နိုင်ငံမှာ မြေနေရာတစ်ခုတည်းကနေ စားနပ်ရိက္ခာနဲ့ လျှပ်စစ်စွမ်းအင် နှစ်မျိုးစလုံး ထုတ်လုပ်နိုင်ဖို့အတွက် သီးနှံစိုက်ခင်းတွေအပေါ်မှာ ဆိုလာပြားတွေ တပ်ဆင်တဲ့ agrivoltaics</p>

အီဂျစ်နိုင်ငံမှာ မြေနေရာတစ်ခုတည်းကနေ စားနပ်ရိက္ခာနဲ့ လျှပ်စစ်စွမ်းအင် နှစ်မျိုးစလုံး ထုတ်လုပ်နိုင်ဖို့အတွက် သီးနှံစိုက်ခင်းတွေအပေါ်မှာ ဆိုလာပြားတွေ တပ်ဆင်တဲ့ agrivoltaics လို့ခေါ်တဲ့ နည်းပညာတစ်ရပ်ကို စမ်းသပ်နေပါတယ်။

အပူချိန်လွန်ကဲပြီး ရေရှားပါးတဲ့ တောင်ပိုင်းဆိုင်းနိုင်းဒေသမှာ 6 kWp အရွယ်အစားရှိတဲ့ ရှေ့ပြေးစမ်းသပ်စီမံကိန်းကို လုပ်ဆောင်နေတာ ဖြစ်ပါတယ်။ ဆိုလာပြားတွေကနေ အရိပ်ရတဲ့အတွက် အပူဒဏ်ကို လျှော့ချပေးနိုင်သလို မြေကြီးထဲက ရေငွေ့ပျံတက်မှုကိုလည်း ၂၀ ရာခိုင်နှုန်းကနေ ၃၀ ရာခိုင်နှုန်းအထိ လျှော့ချပေးနိုင်မယ်လို့ ခန့်မှန်းထားပါတယ်။

အဲဒီစီမံကိန်းကို သုတေသနနဲ့ သရုပ်ပြစမ်းသပ်ကွင်းအနေနဲ့ ဖန်တီးထားတာဖြစ်ပြီး သုတေသီတွေက သီးနှံအထွက်နှုန်း၊ ရေအသုံးပြုမှုနဲ့ ဆိုလာလျှပ်စစ်ထုတ်လုပ်မှု အချက်အလက်တွေကို ကောက်ယူလေ့လာသွားမှာ ဖြစ်ပါတယ်။ အီဂျစ်နိုင်ငံရဲ့ တခြား ရာသီဥတုပြင်းထန်တဲ့ ဒေသတွေမှာပါ တိုးချဲ့လုပ်ဆောင်နိုင်ဖို့အတွက် Marsa Matrouh ဒေသမှာလည်း ပိုမိုကြီးမားတဲ့ 100 kWp စီမံကိန်းတစ်ခုကို ထပ်မံအကောင်အထည်ဖော်နေပြီ ဖြစ်ပါတယ်။

Ref : Technology Innovation