ဥရောပမှာ မျက်မမြင်တွေ စာပြန်ဖတ်နိုင်အောင် ကူညီပေးနိုင်မယ့် ထူးဆန်းတဲ့ မျက်စိစက်ပစ္စည်း ပေါ်ထွက်လာ

<p>ဥရောပမှာ အသက်အရွယ်ကြောင့် ဖြစ်တတ်တဲ့ မျက်စိရောဂါကြောင့် ပြင်းထန်စွာ အမြင်အာရုံ ဆုံးရှုံးနေရသူတွေအတွက် အလင်းရောင်သစ် သယ်ဆောင်လာပေးမယ့် PRIMA</p>

ဥရောပမှာ အသက်အရွယ်ကြောင့် ဖြစ်တတ်တဲ့ မျက်စိရောဂါကြောင့် ပြင်းထန်စွာ အမြင်အာရုံ ဆုံးရှုံးနေရသူတွေအတွက် အလင်းရောင်သစ် သယ်ဆောင်လာပေးမယ့် PRIMA အမည်ရှိ မျက်စိစက်ပစ္စည်းသစ်ကို သုံးစွဲခွင့် အတည်ပြုလိုက်ပါပြီ။ Science Corporation က တီထွင်ထားတဲ့ အဆိုပါ နည်းပညာဆန်းဟာ ဥရောပ CE Mark လက်မှတ် ရရှိခဲ့တာကြောင့် ဥရောပ ၃၀ နိုင်ငံမှာ စတင်အသုံးပြုနိုင်တော့မှာ ဖြစ်ပါတယ်။ မျက်လုံးသူငယ်အောက်မှာ မြှုပ်နှံတပ်ဆင်ရတဲ့ ဒီစက်ပစ္စည်းသေးသေးလေးဟာ ကင်မရာပါဝင်တဲ့ စမတ်မျက်မှန်နဲ့ တွဲဖက်အလုပ်လုပ်တာပါ။ မျက်မှန်က ရိုက်ကူးလိုက်တဲ့ ပုံရိပ်တွေကို Infrared အလင်းတန်းတွေအဖြစ် ပြောင်းလဲပြီး စက်ပစ္စည်းဆီ ပေးပို့ပေးတာကြောင့် စာဖတ်တာနဲ့ အရာဝတ္ထုတွေကို ခွဲခြားသိမြင်နိုင်ဖို့ လိုအပ်တဲ့ ဗဟိုအမြင်အာရုံကို ပြန်လည်ရရှိစေမှာ ဖြစ်ပါတယ်။

ပြင်သစ်၊ ဂျာမနီ၊ အီတလီ၊ ဗြိတိန်နဲ့ အမေရိကန်တို့က ဆေးရုံ ၁၇ ရုံမှာ လူနာ ၃၈ ဦးနဲ့ စမ်းသပ်ခဲ့ရာမှာတော့ အံ့ဩစရာ ရလဒ်တွေကို တွေ့ရှိခဲ့ရပါတယ်။ စမ်းသပ်မှုမှာ ပါဝင်သူ ၈၄ ရာခိုင်နှုန်းဟာ စာလုံးတွေ၊ ဝါကျတွေကို ပြန်လည်ဖတ်ရှုနိုင်ခဲ့ကြပြီး ပုံမှန်မျက်စိစစ်ဆေးမှုဇယားမှာ ပျမ်းမျှ စာကြောင်း ၅ ကြောင်းအထိ ပိုမိုဖတ်ရှုနိုင်လာခဲ့ကြတာပါ။

ဒီစက်ပစ္စည်းဟာ ပုံမှန်အမြင်အာရုံအတိုင်း ၁၀၀ ရာခိုင်နှုန်း ပြန်မကောင်းမွန်စေနိုင်သေးပေမယ့် ဗဟိုအမြင်အာရုံ ကွယ်ပျောက်နေသူတွေအတွက် စာဖတ်တာနဲ့ နေ့စဉ်လုပ်ငန်းဆောင်တာတွေကို ကိုယ်တိုင်တိုင်ပြုလုပ်နိုင်အောင် အကြီးမားဆုံး ကူညီပေးနိုင်တော့မှာ ဖြစ်ပါတယ်။

Ref : Technology Innovation