၁၂ လအတွင်း အိမ် ၃၆ လုံး တည်ဆောက်နိုင်ခဲ့တဲ့ ဥရောပရဲ့ အကြီးဆုံး 3D ပရင်တာ အိမ်ရာစီမံကိန်း

<p>ဥရောပရဲ့ အကြီးဆုံး 3D ပရင်တာနဲ့ တည်ဆောက်ထားတဲ့ အိမ်ရာစီမံကိန်းကို ဒိန်းမတ်နိုင်ငံမှာ တရားဝင် ပြီးစီးသွားပြီ ဖြစ်ပါတယ်။</p>

ဥရောပရဲ့ အကြီးဆုံး 3D ပရင်တာနဲ့ တည်ဆောက်ထားတဲ့ အိမ်ရာစီမံကိန်းကို ဒိန်းမတ်နိုင်ငံမှာ တရားဝင် ပြီးစီးသွားပြီ ဖြစ်ပါတယ်။ Skovsporet လို့ခေါ်တဲ့ အဲဒီစီမံကိန်းက Holstebro မြို့မှာ ကျောင်းသားတွေအတွက် မြေညီထပ် တိုက်ခန်း ၃၆ ခန်း ပါဝင်တဲ့ အသိုက်အဝန်းတစ်ခုကို ဖန်တီးပေးလိုက်တာပါ။

တည်ဆောက်ရေးလုပ်ငန်းခွင်မှာ ကွန်ကရစ် အဆောက်အအုံ အစိတ်အပိုင်းတွေကို ပရင့်ထုတ်ဖို့ COBOD BOD3 ဆောက်လုပ်ရေးသုံး 3D ပရင်တာကို အသုံးပြုခဲ့ပါတယ်။ အဲဒီနောက်မှာ ရိုးရာဆောက်လုပ်ရေး နည်းလမ်းတွေနဲ့ ပေါင်းစပ်ပြီး အိမ်တွေကို အပြီးသတ် တည်ဆောက်ခဲ့တာ ဖြစ်ပါတယ်။ စီမံကိန်းတစ်ခုလုံးရဲ့ အကျယ်အဝန်းက စတုရန်းမီတာ ၁,၆၅၀ ရှိပြီး တိုက်ခန်းတွေရဲ့ အကျယ်က ၃၉ ကနေ ၅၀ စတုရန်းမီတာအထိ ရှိကာ ဆောက်လုပ်ရေးကာလ ၁၂ လ ကြာမြင့်ခဲ့ပါတယ်။

အိမ်ရာတွေကို ခြံဝင်းတွေ၊ ဥယျာဉ်တွေ၊ လမ်းလျှောက်လမ်းတွေနဲ့ စက်ဘီးပါကင်တွေ ပူးတွဲပါဝင်တဲ့ အဆောက်အအုံအုပ်စု ၆ ခုအဖြစ် ဖွဲ့စည်းတည်ဆောက်ထားပါတယ်။ တိုက်ခန်းတစ်ခုချင်းစီမှာ မီးဖိုချောင်၊ စာကြည့်ဆောင်၊ ဧည့်ခန်း၊ ရေချိုးခန်းနဲ့ အိပ်ခန်းတွေ ပါဝင်ပါတယ်။ အခုအခါမှာတော့ တည်ဆောက်ရေးလုပ်ငန်းတွေ ပြီးစီးသွားပြီဖြစ်လို့ စက်တင်ဘာလမှာ ပထမဆုံး ကျောင်းသားတွေကို လက်ခံဖို့ အသင့်ဖြစ်နေပြီ ဖြစ်ပါတယ်။

Ref : Technology Innovation