Google Gemini App လစဉ်သုံးသူ သန်း ၁,၀၀၀ ပြည့်သွားပြီ

<p>Google ရဲ့ Gemini app ဟာ လစဉ်အသုံးပြုသူ ၁ ဘီလီယံပြည့်သွားပြီဖြစ်ပြီး ကုမ္ပဏီရဲ့ အမြန်ဆုံးတိုးတက်မှုရှိတဲ့</p>

Google ရဲ့ Gemini app ဟာ လစဉ်အသုံးပြုသူ ၁ ဘီလီယံပြည့်သွားပြီဖြစ်ပြီး ကုမ္ပဏီရဲ့ အမြန်ဆုံးတိုးတက်မှုရှိတဲ့ ထုတ်ကုန်တစ်ခုဖြစ်လာပါတယ်။ Search၊ Gmail နဲ့ Android တို့လိုမျိုး အသုံးပြုသူ ၁ ဘီလီယံပြည့်တဲ့ ၁၄ ခုမြောက် ထုတ်ကုန်လည်း ဖြစ်ပါတယ်။

၂၀၂၅ ခုနှစ် မေလမှာ အသုံးပြုသူ သန်း ၄၀၀ သာရှိခဲ့ရာကနေ တစ်နှစ်အကြာမှာ သန်း ၉၀၀ အထိ ရောက်ရှိလာခဲ့တာဖြစ်ပါတယ်။ လက်ရှိမှာ အသုံးပြုသူ သန်း ၁၀၀ ကျော်က iOS ကနေ အသုံးပြုနေကြပြီး အသုံးပြုသူ ၆၃ ရာခိုင်နှုန်းက အသံနဲ့ တိုက်ရိုက်ခိုင်းစေနေကြပါတယ်။ ဒါ့အပြင် အသုံးပြုသူ ၅ ယောက်မှာ ၁ ယောက်က live camera နဲ့ screen sharing တွေကို အသုံးပြုနေကြပြီး တစ်နေ့ကို ပုံပေါင်း ၁၅၀ သန်းကျော် ဖန်တီးပေးနေပါတယ်။

ရှေ့ဆက်လုပ်ဆောင်မယ့် အစီအစဉ်တွေအနေနဲ့ Gemini app မှာ ဒေသသုံးဘာသာစကား ၆၀ ကျော်ကို မကြာခင် ထည့်သွင်းပေးသွားမှာ ဖြစ်ပါတယ်။ ဒါ့အပြင် လေ့လာရေးဆိုင်ရာ လုပ်ဆောင်ချက်အသစ်တွေနဲ့ Android app ၄၀ ကျော်မှာ အလိုအလျောက်လုပ်ဆောင်ပေးနိုင်မယ့် လုပ်ဆောင်ချက်တွေကိုလည်း မကြာခင်မှာ မိတ်ဆက်ပေးသွားဖို့ ရှိနေပါတယ်။

Ref : 9to5Google