Google Earth ရဲ့ AI လုပ်ဆောင်ချက် ဝေဖန်မှုတွေကြောင့် ရပ်ဆိုင်းလိုက်ရ

<p>Google ဟာ Google Earth မှာ အသစ်မိတ်ဆက်လိုက်တဲ့ AI ပုံဖန်တီးနိုင်တဲ့ လုပ်ဆောင်ချက်ကို မိတ်ဆက်ပြီး</p>

Google ဟာ Google Earth မှာ အသစ်မိတ်ဆက်လိုက်တဲ့ AI ပုံဖန်တီးနိုင်တဲ့ လုပ်ဆောင်ချက်ကို မိတ်ဆက်ပြီး တစ်ရက်အကြာမှာပဲ ရပ်ဆိုင်းလိုက်ပါတယ်။ အသုံးပြုသူတွေက ကုမ္ပဏီရဲ့ စည်းမျဉ်းတွေကို ချိုးဖောက်တဲ့ ပုံတွေကို ဖန်တီးမျှဝေခဲ့ကြလို့ ဖြစ်ပါတယ်။

Nano Banana 2 AI မော်ဒယ်ကို အသုံးပြုထားတဲ့ အဲဒီလုပ်ဆောင်ချက်ဟာ ဂြိုဟ်တုမြေပုံတွေပေါ်မှာ စာသားရိုက်ထည့်ရုံနဲ့ ပုံတွေကို ဖန်တီးပေးနိုင်တာ ဖြစ်ပါတယ်။ ဒါပေမဲ့ မှားယွင်းတဲ့သတင်းအချက်အလက်တွေနဲ့ အတုအယောင်ဖြစ်ရပ်တွေကို အလွယ်တကူ ဖန်တီးနိုင်တဲ့အတွက် ဆိုးရွားတဲ့ အကျိုးဆက်တွေ ဖြစ်လာနိုင်တယ်လို့ ကျွမ်းကျင်သူတွေက ပြင်းပြင်းထန်ထန် ဝေဖန်ခဲ့ကြပါတယ်။

ဝေဖန်မှုတွေ ထွက်ပေါ်လာပြီးနောက် ၄၈ နာရီမပြည့်ခင်မှာပဲ Google က အဲဒီလုပ်ဆောင်ချက်ကို ယာယီရပ်ဆိုင်းခဲ့ပြီး လုံခြုံရေးထိန်းချုပ်မှုတွေကို ပိုမိုအားကောင်းအောင် လုပ်ဆောင်သွားမယ်လို့ ဆိုပါတယ်။ နည်းပညာကုမ္ပဏီကြီးတွေဟာ သူတို့ရဲ့ ထုတ်ကုန်တွေမှာ AI ကို အပြိုင်အဆိုင် ထည့်သွင်းနေကြပေမဲ့ စည်းမျဉ်းချိုးဖောက်မှုတွေနဲ့ သတင်းအမှားတွေကြောင့် အခုလိုပဲ ပြန်လည်ပြင်ဆင်တာ၊ ကန့်သတ်တာနဲ့ ရပ်ဆိုင်းတာတွေကို လုပ်ဆောင်နေရပါတယ်။

Ref : Bangkokpost