ဝန်ထမ်းတွေရဲ့ လျှို့ဝှက်အချက်အလက်တွေ ပေါက်ကြားခဲ့လို့ Meta က သူတို့ရဲ့ AI လေ့ကျင့်ရေးစီမံကိန်းကို အရေးပေါ် ရပ်ဆိုင်းလိုက်ရ
<p>Meta ကုမ္ပဏီဟာ သူတို့ရဲ့ AI လေ့ကျင့်ရေးအစီအစဉ်တစ်ခုကတစ်ဆင့် ဝန်ထမ်းတွေရဲ့ လျှို့ဝှက်အချက်အလက်တွေ ပေါက်ကြားသွားခဲ့ပြီးနောက် Model Capability</p>
Meta ကုမ္ပဏီဟာ သူတို့ရဲ့ AI လေ့ကျင့်ရေးအစီအစဉ်တစ်ခုကတစ်ဆင့် ဝန်ထမ်းတွေရဲ့ လျှို့ဝှက်အချက်အလက်တွေ ပေါက်ကြားသွားခဲ့ပြီးနောက် Model Capability Initiative လို့ခေါ်တဲ့ စီမံကိန်းကို ယာယီရပ်ဆိုင်းလိုက်ရပါတယ်။ ဒီစီမံကိန်းဟာ လူသားတွေ ကွန်ပျူတာ အသုံးပြုပုံကို Meta ရဲ့ AI စနစ်က ပိုမိုနားလည်လာစေဖို့ ရည်ရွယ်ပြီး ဝန်ထမ်းတွေရဲ့ ကီးဘုတ်ရိုက်ချက်တွေ၊ စခရင်ပေါ်က လှုပ်ရှားမှုတွေနဲ့ AI ဆီ မေးမြန်းတဲ့ အချက်အလက် (Prompts) တွေကို စုဆောင်းလေ့ကျင့်ပေးဖို့ လုပ်ဆောင်ခဲ့တာ ဖြစ်ပါတယ်။
ကုမ္ပဏီတွင်း သတိပေးချက်တွေအရ အခုပေါက်ကြားသွားတဲ့ အချက်အလက်တွေထဲမှာ ဝန်ထမ်းတွေရဲ့ AI Prompts အပြည့်အစုံ၊ အသံဖိုင်မှ စာသားပြောင်းထားချက်တွေ၊ လုပ်ငန်းစွမ်းဆောင်ရည်ဆိုင်ရာ အချက်အလက်တွေနဲ့ ဝန်ထမ်းအချင်းချင်း ပြောဆိုထားတဲ့ သီးသန့်စကားဝိုင်းတွေအထိ ပါဝင်နေတာ ဖြစ်ပါတယ်။ တကယ်တော့ ဒီစီမံကိန်းကို ပြီးခဲ့တဲ့ ဧပြီလက စတင်မိတ်ဆက်စဉ်ကတည်းက ဝန်ထမ်းတွေဘက်က ဒါဟာ လုပ်ငန်းခွင်အတွင်း ပုဂ္ဂိုလ်ရေးလွတ်လပ်ခွင့်ကို အလွန်အကျွံ စောင့်ကြည့်စွက်ဖက်တာ ဖြစ်တယ်လို့ ဝေဖန်ခဲ့ကြပြီး ကန့်ကွက်လွှာတွေ စုဆောင်းကာ ပြင်းပြင်းထန်ထန် တုံ့ပြန်ခဲ့ကြတာ ဖြစ်ပါတယ်။
လောလောဆယ်မှာတော့ Meta အနေနဲ့ ဒီဖြစ်ရပ်ကို အသေးစိတ် စုံစမ်းစစ်ဆေးမှုတွေ လုပ်ဆောင်နေပြီး ပိုမိုအားကောင်းတဲ့ အချက်အလက်ကာကွယ်ရေး အစီအမံတွေကို စနစ်တကျ ပြန်လည်ပြင်ဆင်ပြီးမှသာ အဆိုပါ အစီအစဉ်ကို ပြန်လည်စတင်သွားမယ်လို့ အသိပေး ပြောကြားထားပါတယ်။
Ref : Fossbytes
