Facebook နဲ့ Instagram ဟာ ကလေးတွေကို ထိခိုက်စေတဲ့အတွက် Meta က အမေရိကန်ကို ဒေါ်လာ ၁၈ ဘီလီယံ ပေးလျော်မည်
<p>ကလေးသူငယ်တွေရဲ့ စိတ်ကျန်းမာရေးကို ထိခိုက်စေတယ်ဆိုတဲ့ စွပ်စွဲချက်တွေကြောင့် Facebook နဲ့ Instagram ပိုင်ရှင် Meta ကုမ္ပဏီဟာ</p>
ကလေးသူငယ်တွေရဲ့ စိတ်ကျန်းမာရေးကို ထိခိုက်စေတယ်ဆိုတဲ့ စွပ်စွဲချက်တွေကြောင့် Facebook နဲ့ Instagram ပိုင်ရှင် Meta ကုမ္ပဏီဟာ အမေရိကန်ပြည်နယ်တွေကို ကန်ဒေါ်လာ ၁၈ ဘီလီယံအထိ စံချိန်တင် ပေးလျော်ဖို့ သဘောတူညီလိုက်ပါတယ်။ ဒါဟာ ကလေးသူငယ် လုံခြုံရေးနဲ့ပတ်သက်တဲ့ တရားစွဲဆိုမှုတွေသမိုင်းမှာ အများဆုံး ပေးလျော်ရတဲ့ ပမာဏဖြစ်ပြီး လာမယ့် ၁၀ နှစ်အတွင်း အရစ်ကျ ပေးချေသွားရမှာပါ။ ဒါပေမဲ့ Meta ဘက်ကတော့ သူတို့မှာ အပြစ်မရှိဘူးလို့ ဆက်လက် ငြင်းဆန်ထားပါတယ်။
ငွေကြေးပေးလျော်ရုံတင်မကဘဲ ကလေးတွေကို အွန်လိုင်းမှာ ပိုမိုကာကွယ်ပေးဖို့ Meta ဟာ သူတို့ရဲ့ ပလက်ဖောင်းတွေမှာ ကြီးမားတဲ့ အပြောင်းအလဲတွေ မဖြစ်မနေ လုပ်ဆောင်ရတော့မှာပါ။ ဆယ်ကျော်သက်တွေအတွက် ညသန်းခေါင်ကနေ မနက် ၆ နာရီအထိ Notification တွေ အလိုအလျောက် ပိတ်ထားမယ့် ညဘက်မုဒ် (Night Mode) ပါဝင်လာမယ့်အပြင် တစ်နေ့ကို ၂ နာရီသာ အသုံးပြုခွင့်ပေးမယ့် ကန့်သတ်ချက်တွေလည်း ပါဝင်လာမှာပါ။ ဒါ့အပြင် ကျောင်းချိန်အတွင်း Notification တွေ ပိတ်ထားတာနဲ့ ကြိုက်နှစ်သက်မှု (Likes) အရေအတွက် ဖျောက်ထားတာတွေကိုလည်း မလုပ်မနေရ ပြုလုပ်ပေးရပါတော့မယ်။
တရားခွင်မှာ ပြည်နယ်ရှေ့နေတွေက Meta ရဲ့ အတွင်းရေးမှတ်တမ်းတွေကို ဖော်ထုတ်ခဲ့ပြီး အသက် ၁၁ နှစ်နဲ့ ၁၂ နှစ်အရွယ် ကလေးတွေ သူတို့ပလက်ဖောင်းကို သုံးနေတာ သိရက်နဲ့ မတားဆီးခဲ့ဘူးလို့ ပြင်းပြင်းထန်ထန် ထောက်ပြခဲ့ကြပါတယ်။ အခုလို Meta ရဲ့ ကြီးမားတဲ့ အလျှော့ပေးလိုက်လျောမှုဟာ ဆိုရှယ်မီဒီယာလောကအတွက် ကြီးမားတဲ့ ဂယက်ရိုက်ခတ်မှုဖြစ်စေခဲ့ပြီး TikTok နဲ့ YouTube လို တခြားပလက်ဖောင်းတွေအနေနဲ့လည်း အလားတူ ကန့်သတ်ချက်တွေ လုပ်ဆောင်လာဖို့ ဖိအားပေးခံနေရပါတယ်။
Ref : bbc
