OpenAI ရဲ့ စွမ်းရည်အမြင့်ဆုံး GPT-6 Astra ထွက်ရှိ
<p>OpenAI က စွမ်းရည်အမြင့်ဆုံးမော်ဒယ် လို့ တင်စားထားတဲ့ GPT-6 Astra ကို တရားဝင် မိတ်ဆက်လိုက်ပါတယ်။</p>
OpenAI က စွမ်းရည်အမြင့်ဆုံးမော်ဒယ် လို့ တင်စားထားတဲ့ GPT-6 Astra ကို တရားဝင် မိတ်ဆက်လိုက်ပါတယ်။ အဲဒီ မော်ဒယ်ဟာ OpenAI ရဲ့ အစွမ်းထက်ဆုံး မော်ဒယ်အသစ် ဖြစ်လာပေမယ့် ဆိုက်ဘာလုံခြုံရေးပိုင်းမှာ အန္တရာယ်အမြင့်ဆုံး အဆင့် သတ်မှတ်ခံထားရပါတယ်။
စွမ်းဆောင်ရည်ပိုင်းမှာဆိုရင် GPT-6 Astra ဟာ လူသားတွေရဲ့ လမ်းညွှန်မှု မပါဘဲနဲ့ လုံခြုံရေးစနစ် အားနည်းချက်တွေကို ရှာဖွေနိုင်ပြီး လုံခြုံရေးအဆင့်မြင့်မားတဲ့ စနစ်တွေကို ဖောက်ထွင်းဝင်ရောက်နိုင်တဲ့အထိ စွမ်းရည်မြင့်မားပါတယ်။ ဆိုက်ဘာလုံခြုံရေး စမ်းသပ်မှုတစ်ခုဖြစ်တဲ့ ExploitBench မှာ ရမှတ် ၁၀၀ ရာခိုင်နှုန်း အပြည့်ရရှိထားပါတယ်။ ဒါပေမယ့် မသမာသူတွေက အဲဒီ စွမ်းရည်တွေကို အသုံးပြုပြီး ဆိုက်ဘာတိုက်ခိုက်မှုတွေ မလုပ်နိုင်အောင် OpenAI က လုံခြုံရေး ကန့်သတ်ချက်တွေ တင်းကျပ်ထားပါတယ်။
ယခင် မော်ဒယ်တွေနဲ့ ယှဉ်ရင် GPT-6 Astra ဟာ အမှားအယွင်း ဖန်တီးပြောဆိုမှုတွေကို သိသိသာသာ လျှော့ချပေးနိုင်ပြီး အချက်အလက် မှားယွင်းမှုတွေကိုလည်း အနည်းဆုံးဖြစ်အောင် လုပ်ဆောင်ပေးနိုင်ပါတယ်။ သင်္ချာနဲ့ သိပ္ပံစမ်းသပ်မှုတွေဖြစ်တဲ့ FrontierMath နဲ့ GPQA Diamond တို့လို ခက်ခဲတဲ့ စာမေးပွဲတွေမှာ ရမှတ် ၉၆ ရာခိုင်နှုန်းနဲ့အထက် ရရှိထားပြီး ပြိုင်ဘက် မော်ဒယ်တွေထက် သာလွန်တဲ့ စွမ်းဆောင်ရည်ကို ပြသနိုင်ခဲ့ပါတယ်။
အဲဒီ မော်ဒယ်ကို လက်ရှိမှာ ရွေးချယ်ထားတဲ့ အဖွဲ့အစည်းတွေကို စတင်အသုံးပြုခွင့်ပေးထားပြီး မကြာခင်မှာ ChatGPT Plus, Pro, Business နဲ့ Enterprise အသုံးပြုသူတွေဆီကို ဖြန့်ကျက်ပေးသွားမှာ ဖြစ်ပါတယ်။ API အသုံးပြုခွင့်အနေနဲ့ အချက်အလက် တစ်သန်း ဝင်ရောက်မှုအတွက် ဒေါ်လာ ၁၀ နဲ့ ထွက်ပေါ်မှုအတွက် ဒေါ်လာ ၅၀ ကျသင့်မှာ ဖြစ်ပါတယ်။
Ref : Mashable
