ပင်လယ်လှိုင်းစွမ်းအင်သုံး AI ဒေတာစင်တာတွေကို Panthalassa ကုမ္ပဏီ တည်ဆောက်နေ

<p>ကုန်းတွင်းပိုင်းက ဒေတာစင်တာတွေအစား ပင်လယ်ပြင်မှာ လှိုင်းစွမ်းအင်နဲ့ လည်ပတ်မယ့် အနာဂတ်ရဲ့ AI နည်းပညာကို မြင်ယောင်ကြည့်ဖူးပါသလား။ အော်ရီဂွန်အခြေစိုက်</p>

ကုန်းတွင်းပိုင်းက ဒေတာစင်တာတွေအစား ပင်လယ်ပြင်မှာ လှိုင်းစွမ်းအင်နဲ့ လည်ပတ်မယ့် အနာဂတ်ရဲ့ AI နည်းပညာကို မြင်ယောင်ကြည့်ဖူးပါသလား။ အော်ရီဂွန်အခြေစိုက် Panthalassa ဆိုတဲ့ startup ကုမ္ပဏီဟာ ဒီလိုစိတ်ကူးယဉ်ဆန်တဲ့ အကြံဉာဏ်ကို အကောင်အထည်ဖော်နေပါတယ်။ သူတို့ရဲ့ Ocean-3 ပလက်ဖောင်းဟာ ပင်လယ်လှိုင်းတွေရဲ့ အတက်အကျကို အသုံးပြုပြီး ရေတွေကို အတွင်းဘက် တာဘိုင်ဆီ ဖြတ်သန်းစေကာ AI တွက်ချက်မှုတွေအတွက် လိုအပ်တဲ့ လျှပ်စစ်စွမ်းအင်ကို ထုတ်လုပ်ပေးမှာ ဖြစ်ပါတယ်။

ဒီစနစ်ရဲ့ အထူးခြားဆုံးအချက်ကတော့ ပင်လယ်ရေကို တိုက်ရိုက်အသုံးပြုပြီး ကွန်ပျူတာတွေကို အအေးခံပေးနိုင်တာပါပဲ။ ဒါကြောင့် ကုန်းတွင်းပိုင်းမှာလို ရေချိုအမြောက်အမြားနဲ့ ရှုပ်ထွေးတဲ့ အအေးခံစနစ်တွေ လိုအပ်တော့မှာ မဟုတ်ပါဘူး။ ဒါ့အပြင် Ocean-3 ဟာ ကုန်းမြေ ဒါမှမဟုတ် ပင်လယ်ကြမ်းပြင်နဲ့ ဆက်သွယ်ထားတဲ့ ကျောက်ဆူးတွေ၊ ကေဘယ်ကြိုးတွေ လုံးဝမပါဘဲ အလိုအလျောက် မျောပါလည်ပတ်နိုင်ဖို့ ဒီဇိုင်းထုတ်ထားပြီး အချက်အလက်တွေကိုတော့ ဂြိုဟ်တုဆက်သွယ်ရေးကနေတစ်ဆင့် အပြန်အလှန် ပေးပို့နိုင်မှာ ဖြစ်ပါတယ်။

ဒီလို ဆန်းသစ်တဲ့ နည်းပညာအတွက် Panthalassa ကုမ္ပဏီဟာ Ocean-2 ရှေ့ပြေးစနစ်ကို အောင်မြင်စွာ စမ်းသပ်နိုင်ခဲ့ပြီး အခုအခါမှာတော့ ပိုကြီးမားတဲ့ Ocean-3 စနစ်အတွက် ပြင်ဆင်နေပြီ ဖြစ်ပါတယ်။ ၂၀၂၆ ခုနှစ်၊ မေလ ၄ ရက်နေ့မှာ နာမည်ကျော် ရင်းနှီးမြှုပ်နှံသူ Peter Thiel ဦးဆောင်တဲ့ Series B ရန်ပုံငွေ ဒေါ်လာ သန်း ၁၄၀ ကို ရရှိခဲ့ကြောင်းလည်း ကြေညာခဲ့ပါတယ်။ ဒီရန်ပုံငွေတွေနဲ့အတူ ပို့တ်လန်းအနီးက ရှေ့ပြေးစက်ရုံကို အပြီးသတ်တည်ဆောက်ပြီး မကြာခင်မှာပဲ သမုဒ္ဒရာထဲက မျောပါနေတဲ့ AI ဒေတာစင်တာတွေကို မြင်တွေ့လာရနိုင်ခြေ ရှိနေပါတယ်။

Ref : Technology Innovation