မျက်နှာပြင်ပိုသေးပေမဲ့ စွမ်းဆောင်ရည်ပိုလန်းလာတဲ့ Redmi Pad 2 9.7 ကို တရားဝင်မိတ်ဆက်

<p>Xiaomi ရဲ့ tablet အသစ်ဖြစ်တဲ့ Redmi Pad 2 9.7 အကြောင်းကို ပြီးခဲ့တဲ့</p>

Xiaomi ရဲ့ tablet အသစ်ဖြစ်တဲ့ Redmi Pad 2 9.7 အကြောင်းကို ပြီးခဲ့တဲ့ မတ်လကတည်းက လူပြောများနေခဲ့ကြတာပါ။ အခုတော့ ဒီ tablet ကို မလေးရှားနဲ့ စင်ကာပူနိုင်ငံတွေက ကုမ္ပဏီဝဘ်ဆိုက်တွေမှာ တရားဝင်ဖော်ပြလိုက်ပြီဖြစ်တာကြောင့် ပရိသတ်တွေ စောင့်မျှော်နေတာ အဆုံးသတ်သွားပြီလို့ ပြောလို့ရပါတယ်။

အဆင့်မြင့် Display နဲ့ မြန်ဆန်တဲ့ Performance

ဒီ tablet အသစ်မှာ ၉.၇ လက်မအရွယ် LCD screen ကို အသုံးပြုထားပြီး resolution ကတော့ ၂၀၄၈ x ၁၂၈၀ အထိ ရှိပါတယ်။ အထူးခြားဆုံးကတော့ 120Hz refresh rate နဲ့ 240Hz touch sampling rate ပါဝင်လာတာကြောင့် ရုပ်ထွက်ကြည်လင်ရုံတင်မကဘဲ အသုံးပြုရတာ တော်တော်လေး ချောမွေ့နေမှာပါ။

အပြင်ထွက်သုံးရင်လည်း အခက်အခဲမရှိအောင် Peak Brightness 600-nit အထိ ရအောင် လုပ်ပေးထားပါတယ်။ အတွင်းပိုင်းမှာတော့ Snapdragon 6s Gen 2 4G chipset ကို အသုံးပြုထားပြီး RAM 4GB နဲ့ storage ကိုတော့ 64GB ဒါမှမဟုတ် 128GB ဆိုပြီး ကြိုက်နှစ်သက်ရာ ရွေးချယ်နိုင်ပါတယ်။

ကင်မရာနဲ့ ဘက်ထရီပိုင်း

ဓာတ်ပုံရိုက်ဖို့အတွက် အနောက်ဘက်မှာ 8MP ကင်မရာနဲ့ အရှေ့ဘက်မှာတော့ ဗီဒီယိုကောလ်တွေ ပြောဖို့အတွက် 5MP ကင်မရာ ပါဝင်ပါတယ်။ ဘက်ထရီပိုင်းမှာလည်း 7,600 mAh အထိ ပါဝင်တာကြောင့် အကြာကြီး အသုံးခံမယ့်အပြင် 18W ကြိုးနဲ့ အားသွင်းစနစ်ကိုလည်း ထောက်ပံ့ပေးထားပါသေးတယ်။ ဒါပေမဲ့ သတိထားရမှာကတော့ အာရှဈေးကွက်မှာ 15W charger တစ်ပါတည်း ထည့်ပေးထားပေမဲ့ ဥရောပဈေးကွက်ထဲ ရောက်သွားရင်တော့ အားသွင်းခေါင်း ပါလာမှာ မဟုတ်တော့ပါဘူး။

ကိုယ်ထည်ပိုင်းနဲ့ ဈေးနှုန်း

Redmi Pad 2 9.7 ဟာ HyperOS 3 နဲ့ အလုပ်လုပ်မှာဖြစ်ပြီး ကိုယ်ထည်က ၇.၄ မီလီမီတာပဲ အထူရှိတာကြောင့် တော်တော်လေး ပါးလွှာပါတယ်။ အလေးချိန်ကလည်း ၄၀၆ ဂရမ်ပဲ ရှိလို့ သယ်ဆောင်ရတာ ပေါ့ပါးနေမှာပါ။ အရောင်အနေနဲ့ Silver နဲ့ Graphite Gray ဆိုပြီး နှစ်မျိုး ရနိုင်ပါတယ်။

ဈေးနှုန်းတွေအနေနဲ့ စင်ကာပူမှာတော့ –

Wi-Fi version: စင်ကာပူဒေါ်လာ ၂၂၉ (အမေရိကန်ဒေါ်လာ ၁၇၉ ခန့်)

Wi-Fi + 4G version: စင်ကာပူဒေါ်လာ ၂၆၉ (အမေရိကန်ဒေါ်လာ ၂၁၁ ခန့်) ဆိုပြီး အသီးသီး သတ်မှတ်ထားပါတယ်။ မလေးရှားမှာတော့ လက်ရှိအချိန်အထိ ဈေးနှုန်းအတိအကျကို ထုတ်ပြန်ထားခြင်း မရှိသေးပါဘူး။

Ref: gsmarena