ပိုကောင်းတဲ့ Chipset ပါလာတဲ့ Samsung Galaxy Z Flip8 ကို တရားဝင် မိတ်ဆက်
<p>လအတော်ကြာ သတင်းတွေနဲ့ ပေါက်ကြားမှုတွေ ထွက်ပေါ်ခဲ့ပြီးနောက် Samsung ဟာ London မှာ ပြုလုပ်ခဲ့တဲ့ Unpacked</p>
လအတော်ကြာ သတင်းတွေနဲ့ ပေါက်ကြားမှုတွေ ထွက်ပေါ်ခဲ့ပြီးနောက် Samsung ဟာ London မှာ ပြုလုပ်ခဲ့တဲ့ Unpacked ပွဲမှာ မော်ဒယ်သစ် Galaxy Z Flip8 အပါအဝင် နောက်ဆုံးပေါ် Galaxy Z ခေါက်ဖုန်းတွေကို တရားဝင် မိတ်ဆက်လိုက်ပါတယ်။ Samsung ရဲ့ Z Flip8 ခေါက်ဖုန်းသစ်မှာ Chipset အသစ်နဲ့အတူ One UI 9 ဆော့ဖ်ဝဲလ်လည်း ပါဝင်လာပါတယ်။
Galaxy Z Flip8 ရဲ့ ဒီဇိုင်းပိုင်းဟာ အရင်မော်ဒယ်နဲ့ အတူတူပဲ ဖြစ်ပေမယ့် အမေရိကန်မှာ Snapdragon 8 Elite Gen 5 for Galaxy နဲ့ တခြားဒေသတွေမှာ Exynos 2600 Chipset ကို အသုံးပြုထားပါတယ်။
မျက်နှာပြင် Specs တွေကလည်း Galaxy Z Flip7 အတိုင်းပဲ ဖြစ်ပါတယ်။ ဒီခေါက်ဖုန်းသစ်ရဲ့ အတွင်းဘက်မှာ 120Hz refresh rate နဲ့ Full-HD+ resolution ထောက်ပံ့ပေးတဲ့ ၆.၉ လက်မ Dynamic AMOLED 2X မျက်နှာပြင် ပါဝင်ပါတယ်။ အပြင်ဘက်မှာတော့ 120Hz refresh rate အထိ ထောက်ပံ့ပေးတဲ့ ၄.၁ လက်မ AMOLED မျက်နှာပြင် ပါဝင်ပါတယ်။
ဓာတ်ပုံရိုက်ကူးမှုအတွက် OIS ပါဝင်တဲ့ 50MP ပင်မ အနောက်ကင်မရာနဲ့ 12MP ultrawide ကင်မရာတို့ကို တွဲဖက်ပေးထားပါတယ်။ ဆဲလ်ဖီအတွက်ကတော့ အတွင်းမျက်နှာပြင်မှာ 10MP ကင်မရာ ပါဝင်ပါတယ်။
Samsung Galaxy Z Flip8 မှာ မနှစ်ကလိုပဲ 4,300mAh ဘက်ထရီ ပါဝင်ပြီး 25W ကြိုးနဲ့ အားသွင်းစနစ်နဲ့ 15W ကြိုးမဲ့ အားသွင်းစနစ်တို့ကို ထောက်ပံ့ပေးထားပါတယ်။ ဆော့ဖ်ဝဲလ်အပိုင်းမှာတော့ Android 17 အခြေခံ One UI 9 နဲ့ မောင်းနှင်မှာဖြစ်ပြီး ဖုန်နဲ့ ရေဝင်ရောက်မှုကို ကာကွယ်ပေးနိုင်တဲ့ IP48 rating လည်း ရရှိထားပါတယ်။
အဲဒီဖုန်းကို Cream, Graphite နဲ့ Pink အရောင်တွေနဲ့ 12GB/256GB နဲ့ 12GB/512GB ဗားရှင်းတွေ ရရှိနိုင်ပါတယ်။ Mint အရောင် ဗားရှင်းကိုတော့ Samsung အွန်လိုင်းစတိုးမှာပဲ သီးသန့် ရရှိနိုင်မှာ ဖြစ်ပါတယ်။ ဈေးနှုန်းက ၁,၁၉၉ ဒေါ်လာကစပါတယ်။
Ref: gsmarena
