Samsung Galaxy Z TriFold ကို အမေရိကန်ဈေးကွက်တွင်ပါ ရောင်းချမှုရပ်ဆိုင်း

<p>Samsung ရဲ့ Galaxy Z TriFold ဟာ သက်တမ်းတိုတောင်းပြီး လှိုင်းဂယက်ထန်တဲ့ ဘဝကို ဖြတ်သန်းခဲ့ရပါတယ်။</p>

Samsung ရဲ့ Galaxy Z TriFold ဟာ သက်တမ်းတိုတောင်းပြီး လှိုင်းဂယက်ထန်တဲ့ ဘဝကို ဖြတ်သန်းခဲ့ရပါတယ်။ ကိုရီးယားနိုင်ငံမှာ အရေအတွက် အကန့်အသတ်နဲ့ အကြိမ်အနည်းငယ်သာ ရောင်းချခဲ့ပြီးနောက် ထုတ်လုပ်မှု ရပ်ဆိုင်းခဲ့ပါတယ်။ အမေရိကန်မှာတော့ သက်တမ်း အနည်းငယ် ပိုရှည်ခဲ့ပြီး ဧပြီလ ၁၀ ရက်နေ့က နောက်ဆုံးအကြိမ်အဖြစ် ပစ္စည်းပြန်လည်ဖြည့်တင်းခဲ့ပေမဲ့ ထိုပစ္စည်းများလည်း ရောင်းကုန်သွားခဲ့ပြီ ဖြစ်ပါတယ်။

ဒီနေမှာတော့ အမေရိကန်ဈေးကွက်ဟာ Galaxy Z TriFold ကို နှုတ်ဆက်လိုက်ရပြီ ဖြစ်ပါတယ်။ ကိုရီးယားမှာ ရပ်ဆိုင်းခဲ့ပြီးနောက် အခုအခါ အမေရိကန်မှာပါ ထုတ်လုပ်မှု ရပ်ဆိုင်းလိုက်ပြီ ဖြစ်ပါတယ်။ ပိုပြီးတိတိကျကျ ပြောရရင်တော့ Samsung ရဲ့ တရားဝင် ဝဘ်ဆိုဒ်စာမျက်နှာမှာ “အရေအတွက်အကန့်အသတ်နဲ့ ထုတ်လုပ်ထားတဲ့ Galaxy Z TriFold ဟာ အခုအခါမှာတော့ လုံးဝရောင်းကုန်သွားပါပြီ” လို့ ဖော်ပြထားပါတယ်။

Samsung က ဆက်လက်ပြောကြားရာမှာတော့ “ထူးခြားဆန်းသစ်တဲ့ နောက်ထပ်တီထွင်မှုတွေကို လက်လွတ်မခံစေဖို့” သူတို့ရဲ့ ဝဘ်ဆိုဒ်ကို ဆက်လက်စောင့်ကြည့်ပေးဖို့ တိုက်တွန်းထားပါတယ်။ လက်ရှိမှာတော့ Galaxy Z Fold7 ဒါမှမဟုတ် Galaxy S26 Ultra တို့ကိုသာ ဝယ်ယူဖို့ အကြံပြုထားပါတယ်။ အဲဒီဖုန်းနှစ်မျိုးလုံးဟာ ကောင်းမွန်တဲ့ ရွေးချယ်မှုတွေ ဖြစ်ပေမဲ့ ဘယ်တစ်မျိုးကမှ နှစ်ဆင့်ခေါက်လို့ မရကြပါဘူး။

အကယ်၍ TriFold 2 သာ တကယ်ထွက်လာခဲ့ရင် အရင်မျိုးဆက်ထက် သက်တမ်း ပိုရှည်လာလိမ့်မယ်လို့ မျှော်လင့်ရပါတယ်။ လတ်တလော ထွက်ပေါ်နေတဲ့ သတင်းတွေအရ TriFold 2 ဟာ ၂၀၂၇ ခုနှစ်မှာ ထွက်ပေါ်လာနိုင်ပြီး မူလဖုန်းထက် ပိုမိုပါးလွှာပေါ့ပါးလာမယ်လို့ ဆိုပါတယ်။ ဒါ့အပြင် ဘေးတိုက်ဆွဲဆန့်နိုင်တဲ့ (Sliding-screen) စမတ်ဖုန်းနဲ့လည်း တွဲဖက်ထွက်လာနိုင်ပါတယ်။ အနာဂတ်ကတော့ တောက်ပနေဆဲ ဖြစ်ပေမဲ့ Galaxy Z TriFold ကတော့ အခုအခါမှာ အပြီးတိုင် နိဂုံးချုပ်သွားပြီ ဖြစ်ပါတယ်။

Ref: GSMArena