အာကာသထဲမှာ AI ဒေတာစင်တာဆောက်မယ့် Elon Musk
<p>အနာဂတ် AI နည်းပညာရဲ့ ဒေတာစင်တာတွေကို ကမ္ဘာမြေပေါ်မှာတင် မဟုတ်ဘဲ အာကာသဟင်းလင်းပြင်ထဲအထိ တိုးချဲ့တည်ဆောက်ဖို့ Elon Musk</p>
အနာဂတ် AI နည်းပညာရဲ့ ဒေတာစင်တာတွေကို ကမ္ဘာမြေပေါ်မှာတင် မဟုတ်ဘဲ အာကာသဟင်းလင်းပြင်ထဲအထိ တိုးချဲ့တည်ဆောက်ဖို့ Elon Musk ရဲ့ SpaceX ကုမ္ပဏီက စီမံကိန်းတစ်ခုကို စတင်စိန်ခေါ်လိုက်ပါတယ်။ Starmind လို့ အမည်ပေးထားတဲ့ အဲဒီစီမံကိန်းအရ အစွမ်းထက် AI ကွန်ပျူတာတွေကို ဂြိုဟ်တုတွေပေါ်မှာ တပ်ဆင်ကာ အာကာသထဲ လွှတ်တင်သွားမှာဖြစ်ပြီး ပထမဆုံးအသုတ်ကို ၂၀၂၇ ခုနှစ်မှာ စတင်မြင်တွေ့ရဖွယ် ရှိပါတယ်။ ဂြိုဟ်တုတွေဟာ လျှပ်စစ်ဓာတ်အားအတွက် ကြီးမားတဲ့ ဆိုလာပြားတွေကို အသုံးပြုမှာဖြစ်ပြီး ရရှိလာတဲ့ ဒေတာတွေကိုတော့ SpaceX ရဲ့ Starlink လေဆာကွန်ရက်ကနေတစ်ဆင့် ကမ္ဘာမြေဆီ ပြန်လည်ပေးပို့သွားမှာ ဖြစ်ပါတယ်။
အမြင့် ပေ ၆၅ ပေခန့်ရှိပြီး ပေ ၂၂၉ ပေအထိ ကျယ်ဝန်းတဲ့ ဆိုလာပြားတွေ တပ်ဆင်ထားမယ့် အဲဒီ AI1 ဂြိုဟ်တုတွေဟာ အနာဂတ်နည်းပညာအတွက် အလှည့်အပြောင်းတစ်ခု ဖြစ်လာနိုင်ပါတယ်။ ကမ္ဘာပေါ်က ဒေတာစင်တာတွေလို လျှပ်စစ်ဓာတ်အားလိုင်းတွေကို အားကိုးစရာမလိုဘဲ အာကာသထဲက မပြတ်ရရှိနေမယ့် နေရောင်ခြည်စွမ်းအင်ကို သဘာဝအတိုင်း အပြည့်အဝ အသုံးပြုနိုင်မှာပါ။ ဒါ့အပြင် အအေးပေးစနစ် အမြောက်အမြားသုံးနေရတဲ့ ကမ္ဘာမြေပေါ်က ပြဿနာကိုလည်း အာကာသရဲ့ အေးစက်တဲ့ ပတ်ဝန်းကျင်ဆီ အပူတွေကို တိုက်ရိုက်ထုတ်လွှတ်ရုံနဲ့ အလွယ်တကူ ဖြေရှင်းသွားနိုင်မှာ ဖြစ်ပါတယ်။
ဒီလို အာကာသ AI ဂြိုဟ်တုတွေကို အရေအတွက်အမြောက်အမြား ထုတ်လုပ်နိုင်ဖို့အတွက် SpaceX ဟာ တက္ကဆပ်ပြည်နယ် ဘက်စထရော့မှာ Gigasat စက်ရုံကြီးကို သီးသန့်စတင်တည်ဆောက်နေပြီ ဖြစ်ပါတယ်။ ရေရှည်မှာတော့ AI ဂြိုဟ်တုပေါင်း ၁ သန်းအထိ အာကာသထဲ ဖြန့်ကျက်ထားရှိဖို့အထိ ရည်မှန်းထားတာပါ။ လက်ရှိမှာတော့ နည်းပညာဆိုင်ရာ စမ်းသပ်မှုတွေနဲ့ အာဏာပိုင်တွေရဲ့ အတည်ပြုချက် ရယူဖို့ ကျန်ရှိနေသေးတာကြောင့် ဒါဟာ လက်တွေ့လည်ပတ်နေတဲ့ ဒေတာစင်တာ မဟုတ်သေးဘဲ အနာဂတ်အတွက် ပြင်ဆင်နေတဲ့ စီမံကိန်းအဆင့်မှာပဲ ရှိပါသေးတယ်။
Ref : Technology Innovation
