အမေရိကန်မှာ အကြီးဆုံး လေစွမ်းအင်သုံး လျှပ်စစ်ထုတ်လုပ်ရေးစက်ရုံ စတင်လည်ပတ်

<p>အမေရိကန်ပြည်ထောင်စုရဲ့ အကြီးဆုံး လေစွမ်းအင်သုံး လျှပ်စစ်ထုတ်လုပ်ရေးစက်ရုံ ဖြစ်တဲ့ SunZia Wind စီမံကိန်းဟာ နယူးမက်ဆီကိုပြည်နယ်မှာ စီးပွားဖြစ်</p>

အမေရိကန်ပြည်ထောင်စုရဲ့ အကြီးဆုံး လေစွမ်းအင်သုံး လျှပ်စစ်ထုတ်လုပ်ရေးစက်ရုံ ဖြစ်တဲ့ SunZia Wind စီမံကိန်းဟာ နယူးမက်ဆီကိုပြည်နယ်မှာ စီးပွားဖြစ် စတင်လည်ပတ်နေပြီဖြစ်တာကြောင့် ပြန်လည်ပြည့်ဖြိုးမြဲစွမ်းအင် ကဏ္ဍအတွက် မှတ်တိုင်သစ်တစ်ခု စိုက်ထူနိုင်ခဲ့ပါတယ်။ ဒီစီမံကိန်းမှာ စုစုပေါင်း လျှပ်စစ်ထုတ်လုပ်နိုင်စွမ်း မဂ္ဂါဝပ် ၃,၆၅၀ ရှိတဲ့ လေတာဘိုင် ၉၁၆ လုံး ပါဝင်တာမို့ အမေရိကန်မှာ ထုတ်လုပ်နိုင်စွမ်း ပမာဏ အမြင့်ဆုံး လေစွမ်းအင်စက်ရုံအဖြစ် စံချိန်တင်ခဲ့ပါတယ်။ နယူးမက်ဆီကိုပြည်နယ် အလယ်ပိုင်းမှာ တည်ရှိပြီး တစ်နှစ်ကို အိမ်ထောင်စုပေါင်း ၁ သန်းနီးပါးစာ လျှပ်စစ်ဓာတ်အား ထုတ်လုပ်ပေးနိုင်မှာ ဖြစ်ပါတယ်။

အဆိုပါ ထုတ်လုပ်လိုက်တဲ့ လျှပ်စစ်ဓာတ်အားတွေကို မိုင်ပေါင်း ၅၅၀ (၈၈၅ ကီလိုမီတာ) အရှည်ရှိတဲ့ ဗို့အားမြင့် ဓာတ်အားလိုင်းစနစ်ဖြစ်တဲ့ SunZia Transmission Project ကနေတစ်ဆင့် အရီဇိုးနားနဲ့ ကာလီဖိုးနီးယား ပြည်နယ်တွေရှိ စွမ်းအင်ဈေးကွက်တွေဆီ ပေးပို့ဖြန့်ဖြူးပေးသွားမှာ ဖြစ်ပါတယ်။

ဒီစီမံကိန်းကို Pattern Energy ကုမ္ပဏီက နှစ်ပေါင်း ၂၀ နီးပါးကြာ စီမံကိန်းရေးဆွဲ ရေးဆွဲတည်ဆောက်ခဲ့တာဖြစ်ပြီး စုစုပေါင်း အမေရိကန်ဒေါ်လာ ၁၁ ဘီလီယံနီးပါး ရင်းနှီးမြှုပ်နှံထားတာမို့ အမေရိကန်သမိုင်းမှာ ပြန်လည်ပြည့်ဖြိုးမြဲစွမ်းအင်ဆိုင်ရာ အကြီးမားဆုံး ရင်းနှီးမြှုပ်နှံမှုတွေထဲက တစ်ခုလည်း ဖြစ်ပါတယ်။

Ref : Technology Innovation