Tim Cook က  iPhone၊ iPad နဲ့ Mac တွေ ဈေးတက်မယ်လို့ အတည်ပြု

<p>ကမ္ဘာတစ်ဝန်းမှာ Memory ပြတ်လပ်မှုတွေ ဆက်တိုက်ဖြစ်ပေါ်နေတာကြောင့် Apple ကုမ္ပဏီအနေနဲ့ ထုတ်ကုန်ပစ္စည်းတွေရဲ့ ဈေးနှုန်းကို မြှင့်တင်ဖို့ ပြင်ဆင်နေပါတယ်။</p>

ကမ္ဘာတစ်ဝန်းမှာ Memory ပြတ်လပ်မှုတွေ ဆက်တိုက်ဖြစ်ပေါ်နေတာကြောင့် Apple ကုမ္ပဏီအနေနဲ့ ထုတ်ကုန်ပစ္စည်းတွေရဲ့ ဈေးနှုန်းကို မြှင့်တင်ဖို့ ပြင်ဆင်နေပါတယ်။

The Wall Street Journal နဲ့ အင်တာဗျူးမှာ Apple ရဲ့ CEO တင်မ်ကွတ်ခ် (Tim Cook) က အခုလို ဈေးနှုန်းမြှင့်တင်ဖို့ ဖြစ်လာရတာဟာ ရှောင်လွှဲလို့မရတဲ့ အခြေအနေဖြစ်တယ်လို့ ပြောကြားခဲ့ပါတယ်။

Apple အနေနဲ့ ကုန်ကျစရိတ်တွေ တက်လာတာကို စားသုံးသူတွေဆီ တိုက်ရိုက်မရောက်အောင် တတ်နိုင်သမျှ ကာကွယ်ပေးခဲ့ပေမယ့် လက်ရှိအခြေအနေမှာတော့ ဆက်ပြီးထိန်းထားဖို့ မဖြစ်နိုင်တော့ဘူးလို့ ဆိုပါတယ်။

အခုလို RAM ဈေးနှုန်းတွေ ထိုးတက်ကုန်ရတာဟာ AI ကုမ္ပဏီတွေက သူတို့ရဲ့ ဒေတာစင်တာတွေအတွက် မှတ်ဉာဏ်ပမာဏ အမြောက်အမြားကို အလုအယက် အော်ဒါမှာယူနေကြတာကြောင့် ဖြစ်ပါတယ်။

ထုတ်လုပ်တဲ့သူတွေဘက်ကလည်း လိုအပ်ချက်ကို ပြည့်မီအောင် မထုတ်လုပ်နိုင်တာကြောင့် RAM နဲ့ Storage ကုန်ကျစရိတ်တွေ မြင့်တက်လာပြီး ဂိမ်းစက်တွေ၊ လက်ပ်တော့ပ်တွေနဲ့ အခြားနည်းပညာပစ္စည်းတွေလည်း လိုက်ပြီးဈေးတက်ကုန်တာဖြစ်ပါတယ်။

တင်မ်ကွတ်ခ်က နည်းပညာထုတ်ကုန်တွေအတွက် Memory ဈေးနှုန်းနဲ့ ရရှိနိုင်မှုအခြေအနေဟာ သင့်တော်တဲ့ပမာဏတစ်ခုဆီ ပြန်ရောက်ဖို့ လိုအပ်နေပြီလို့ ထောက်ပြထားပါတယ်။

Apple ဟာ ဒီနှစ်နှောင်းပိုင်းမှာ ထွက်ရှိမယ့် iPhone အသစ်တွေမှာ ဈေးနှုန်းဘယ်လောက်အထိ ပြောင်းလဲသွားမလဲဆိုတာ အတိအကျ မပြောသေးပေမယ့် The Wall Street Journal ရဲ့ ခန့်မှန်းချက်တွေအရ နောက်ထွက်မယ့် iPhone 18 Pro ဟာ အရင်ထွက်ထားတဲ့ iPhone 17 Pro ရဲ့ ဈေးနှုန်း ၁,၀၉၉ ဒေါ်လာကနေ ၁,၂၉၉ ဒေါ်လာအထိ ဈေးတက်သွားနိုင်တယ်လို့ သိရပါတယ်။

Apple ဟာ ပြီးခဲ့တဲ့ မတ်လကတည်းက RAM 512GB ပါတဲ့ Mac Studio တွေကို ရောင်းချမှု ရပ်ဆိုင်းခဲ့သလို Mac Mini ရဲ့ အခြေခံဈေးနှုန်းကိုလည်း ၇၉၉ ဒေါ်လာအထိ မြှင့်တင်ခဲ့တာကြောင့် အခု RAM ပြတ်လပ်မှုဒဏ်ကို Apple ထုတ်ကုန်တွေမှာ သိသိသာသာ စတင်ခံစားနေရပြီ ဖြစ်ပါတယ်။

Ref: The Verge