X (previously Twitter) က ၎င်း၏ ငွေပေးချေမှုဝန်ဆောင်မှုအသစ် X Money ကို စတင်မိတ်ဆက်ပြီးနောက်ပိုင်း အသုံးပြုသူအများအပြားထံ တောင်းဆိုမှုမရှိဘဲ password reset email များ ရောက်ရှိလာမှုကို စုံစမ်းစစ်ဆေးနေကြောင်း TechCrunch က ဖော်ပြထားပါတယ်။ ဒီလို email များဟာ hacker များက အကောင့်များကို ခိုးယူဖို့ ကြိုးစားနေတဲ့ လက္ခဏာဖြစ်နိုင်တယ်လို့ ကုမ္ပဏီက ယုံကြည်ထားပါတယ်။
X Money ဟာ ငွေပေးချေမှုဆိုင်ရာ ဝန်ဆောင်မှုအသစ်ဖြစ်တဲ့အတွက် အသုံးပြုသူတွေရဲ့ ငွေကြေးဆိုင်ရာ အချက်အလက်များပါ ချိတ်ဆက်ထားရတဲ့ အတွက် ဒီလို လုံခြုံရေးဆိုင်ရာ ပြဿနာများဟာ ပိုမို ထိရောက်ထား လေ့ရှိပါတယ်။ Cybercriminal များက အသစ်စတင်တဲ့ features တွေကို အခွင့်ကောင်းယူပြီး phishing email များ၊ fake password reset link များ ပို့လိုက်လေ့ရှိတာကို ဒီအခြေအနေကနေ ထင်ရှားစေပါတယ်။ X က ယခုအချိန်ထိ တိတိကျကျ တိုက်ခိုက်မှုအရင်းအမြစ်ကို မထုတ်ဖော်နိုင်သေးဘဲ စုံစမ်းနေဆဲဖြစ်ကြောင်း ပြောကြားထားပါတယ်။
မြန်မာနိုင်ငံမှာလည်း X (Twitter) ကို အသုံးပြုသူများ ရှိသည့်အတွက် ဒီလို warning ကို သတိပြုသင့်ပါတယ်။ ရုတ်တရက် password reset email လက်ခံရရှိပါက မိမိကိုယ်တိုင် request မလုပ်ထားရင် link ကို မနှိပ်ဘဲ X ၏ official app သို့မဟုတ် website ကနေ တိုက်ရိုက် login ဝင်ပြီး account status ကို စစ်ဆေးသင့်ပါတယ်။ Two-factor authentication ကဲ့သို့သော လုံခြုံရေး feature များကို အသုံးပြုထားခြင်းက ဒီလို attacks များကို ကာကွယ်ရာမှာ အထောက်အကူဖြစ်စေပါတယ်။
