Samsung လိုပဲ Flagship ဖုန်းတွေမှာ Privacy Display ထည့်မယ့် Xiaomi

<p>Xiaomi ရဲ့ လာမယ့် flagship ဖုန်းတွေမှာ Samsung နဲ့ ဆင်တူတဲ့ “Smart privacy</p>

Xiaomi ရဲ့ လာမယ့် flagship ဖုန်းတွေမှာ Samsung နဲ့ ဆင်တူတဲ့ “Smart privacy display” ဆိုတဲ့ feature အသစ် ပါဝင်လာဖို့ ရှိနေပါတယ်။ အဲဒီ feature ဟာ hardware ပိုင်းကနေ အလုပ်လုပ်တာဖြစ်ပြီး ဘေးနားကလူတွေ ဖုန်းစခရင်ကို မြင်ရခက်သွားအောင် ကြည့်ရှုနိုင်တဲ့ ထောင့်ကျဉ်းသွားအောင် လုပ်ဆောင်ပေးမှာ ဖြစ်ပါတယ်။

Xiaomi HyperOS global ROM ကို စမ်းသပ်သူတစ်ဦးက အဲဒီ feature ကို တွေ့ရှိခဲ့တာ ဖြစ်ပါတယ်။ ဒါ့အပြင် သုံးစွဲသူတွေအနေနဲ့ ကိုယ်တိုင် သတ်မှတ်ထားတဲ့ app တွေကို ဖွင့်လိုက်တာနဲ့ privacy display အလိုအလျောက် အလုပ်လုပ်စေမယ့် “App privacy display” ဆိုတဲ့ feature လည်း ပါဝင်လာမှာ ဖြစ်ပါတယ်။

ဒါ့အပြင် app တွေကို အုပ်စုဖွဲ့ပြီး အဲဒီ app တွေအားလုံးအတွက် privacy display ကို တစ်ပြိုင်နက်တည်း အဖွင့်အပိတ် လုပ်နိုင်မယ့် feature ကိုလည်း Xiaomi က စမ်းသပ်နေပါတယ်။ လောလောဆယ်မှာတော့ App privacy display နဲ့ app အုပ်စုဖွဲ့တဲ့ feature တွေကို HyperOS China ROM တွေမှာပဲ ရနိုင်သေးပြီး လာမယ့်လမှာ ထွက်ရှိမယ့် Xiaomi 18 Series နဲ့အတူ ပါဝင်လာနိုင်ချေရှိတယ်လို့ ခန့်မှန်းရပါတယ်။

Ref : yugatech